香港人，係勁嘅!

因疫情關係，今年奧運無咩氣氛。近年各樣的氛圍，亦無心機留意太多。

今晚意外地睇到直播奧運男子劍擊決賽，香港張家朗得金牌! 唔識劍擊，但仍興奮得大叫，洒了幾滴眼淚。

很久無如此振奮的消息了，今晚要好好慶祝，原打算斷食，但現在心思思食好啲，更加要開枝酒。香港人，係勁嘅。

「要堅持，唔好放棄。唔好不斷後退，俾人逼到埋牆角，就要向前反攻，打好每一劍」

近期過得不太好，有困在谷底迷失自己的感覺，但慶幸過了許多個月後終於喘定，開始慢慢爬上來。

人的能力不只在於順境時的發揮，亦在於逆境前行的心態和能力，這次我是上人生重要的一課。「唔好不斷後退，打好每一劍。」是對我及時的鼓勵。

老婆的笑容

以下對話，發生在今晚和老婆一齊沖涼的時候。

老婆: 「老公，你個肚腩好似細返少少。」

我: 「係咩?」，心裡暗爽。

老婆: 「可能係因為好耐無同你一齊沖涼。」

我: 「一定唔係因為咁。」

老婆同我對望，一齊傻笑。

看到太太一副好簡單的笑容，好靚。

開心可以好簡單，咁就夠了。

這是值得記下的一日。

阿平
2021年7月26日
寫於香港